2020-12-11

大街週報:Issue 458 (2020.11.29-12.5)

-樂園第三度暫停開放第 1 - 5 天-
「奇妙夢想城堡」(Castle of Magical Dreams) 舞台主閘及兩個側閘上的星形牌粉飾上「演藝人員入口 非請勿進」告示。

有來自阿德爾王國及魔法森林的兩位姐妹女王,安娜與愛莎,在本週一 (30日) 現身「皇室禮賓庭」會見來賓。

相隔一段長時間,《銀河守護隊》(Guardians of the Galaxy) 星爵再次現身「科技展會合處」與賓客會面。

有冇發現 ‘Olu Mel 有咩唔同呢?‘Olu Mel 今次出現冇拎到佢至愛的小結他。

餐飲部推出的 15 週年餐盒套裝及餐具套裝,已經在度假區酒店餐廳發售。

多款餐飲用品換上 15 週年主題設計,包括餐紙、餐盒、餐巾、汽水杯及上圖精美的透明飲品杯等。

美國小鎮大街「市集咖啡店」季節新品上市,分別有烤蘋果冷萃咖啡及烤蘋果鮮奶咖啡。

Grand Celebration 系列「奇妙夢想城堡」音樂盒終於上架!音樂盒設計由底座、「奇妙夢想城堡」同埋米奇與米妮旋轉台組成,上鏈後會奏出 15 週年主題曲 “Love The Memory”,就咁做裝飾都好靚。

在香港迪士尼樂園酒店「皇庭禮品店」推出了一款較細座的「奇妙夢想城堡」模型,仲配埋個玻璃鐘罩畀你好好收藏。另外底座可以發光,但效果就未如理想,不過唔開燈就咁做擺設都已經好靚。

香港迪士尼樂園同唔同品牌合作推出 15 週聯乘產品,其中最新登場就有重 0.2 克,限量發行 500 枚的周大福聯乘香港迪士尼樂園 15 週年限量版 999.9 足金收藏金章,並於香港迪士尼樂園酒店「皇庭禮品店」發售。

15 週年 nuiMOs 休閒造型服飾已經上市,為你的 nuiMOs 小拍檔多添新造型。

12 月 5 日 (六) 是製造快樂的夢想家華特迪士尼先生生日。每年樂園都會發行一款紀念華特先生生日的限量版徽章,相信設計師諗到今年是《幻想曲》(Fantasia) 80 週年,特別選用魔法師學徒米奇設計徽章。

為慶祝願望成真基金 40 週年,樂園推出 Wishables 阿拉丁系列!除特別版精靈外,隱藏包分別有阿拉丁、茉莉公主、魔毯及神燈畀你揑,系列所得收益將全數撥捐至願望成真基金。(不適用於「奇妙處處通」會員購物優惠及其他折扣優惠)

迪士尼造型筆應該都是唔少人初到迪士尼樂園玩會買的紀念品,近日樂園商店推出了全新 Duffy 與好友造型筆,但 ‘Olu Mel 未有歸隊。

香港迪士尼樂園度假區本週三 (1日) 宣佈,應政府要求及配合本港採取的防疫措施,樂園將於 2021 年 12 月 2 日 (三) 起第三度閉園。重開日期視乎情況另行公佈。


由於 2021 年 12 月 1 日 (二) 是原定樂園休園日,所以小報計算樂園暫停開放日期會由 12 月 1 日起作計算。

迎樂路標誌性的迎賓噴泉正進行局部粉飾,位於噴泉正後方 (即黛絲與布魯托之間) 的銅製柱躉頂蓋已移離進行粉飾。

迪士尼探索家度假酒店的獨特巨型聖誕樹再次擺放在大堂中央位置。另外!大堂的直幡換成了 15 週年設計,前台亦擺放添上 15 週年裝飾的蝴蝶蘭盆栽。

度假區酒店於正門入口位置及餐廳擺放安心出行二維碼牌,讓有需要賓客使用。

酒店前台放有資訊板,讓賓客了解行李及客房會作出全面清潔,令入住賓客倍添安心。

酒店賓客可以選購「迪士尼聖誕佳節」主題套裝,內有多款迪士尼主題聖誕禮物。

由於樂園暫停開放,仲未寄「聖誕心願慈善明信片」點算?唔洗怕!𠵱家在香港迪士尼樂園酒店「皇庭禮品店」同埋銅鑼灣希慎廣場「香港迪士尼樂園禮品坊」都可以買到兩款明信片 (每張十元),收益將會全數撥捐至愛心聖誕大行動。填好送畀親朋摯友的祝福內容同埋寫好地址後,可以將明信片投入行李部前檯或禮品坊的收集箱。樂園會將大家的聖誕祝福寄出,演藝人員仲會在每張明信片蓋上 15 週年「奇妙夢想城堡」特別印章。

迪士尼探索家度假酒店部分房間設有露台,可以舒適地享受廣闊花園及海岸景色。

樂園現暫停開放,想買野買唔到又唔想去酒店?仲有個辨法!就係去希慎廣場的「香港迪士尼樂園禮品坊」,店內會發售樂園 15 週年紀念系列、聖誕節及迪士尼公主商品,其中 CookieAnn 限定版毛公仔及 15 週年限定版米奇及米妮腕錶更在禮品坊率先發售。而早前瘋搶缺貨的 15 週年 StellaLou 毛公仔以及 Grand Celebration 系列「奇妙夢想城堡」音樂盒亦可以在店內買到。

另外利園區「香港迪士尼樂園15週年:奇妙聖誕慶典 AT LEE GARDENS」節慶裝飾已經放好!其中必到打卡的一定是希慎廣場⼀樓「奇妙聖誕廣場」,唐老鴨及黛絲塑像在⽶奇拱⾨下歡迎⼤家,鋼牙與⼤⿐就在另一邊忙於佈置小鎮,而希慎廣場啟超道就有 5 ⽶⾼「幻彩飄雪⽔晶球」,⽶奇、⽶妮、⾼⾶與布魯托會在⽔晶球兩旁迎接各位來賓。

沒有留言:

發佈留言