2021-03-26

大街週報:Issue 473 (2021.3.14-20)

迪士尼站月台大堂罕有在燈柱添置裝飾,仲要係 15 週年裝飾。

設於迪士尼公共運輸交匯處的交通資訊屏日久失修多時,本週有工程人員正在進行屏幕維修工作。

香港迪士尼樂園度假區圖片

香港迪士尼樂園今年首個季度活動已於本週一 (3月15日) 起展開!Duffy 與好友聯同其他迪士尼兔仔朋友會同大家擁抱這個春天,同時更準備咗一系列「食、玩、買、住」春日復活節小旅行體驗,無論在樂園抑或是在度假區酒店,都可以時刻體驗到春日歡樂氣氛。


香港迪士尼樂園度假區圖片

小鎮大街火車站由本週一 (3月15日) 上演全新「生日歡聚奇妙時刻」表演!陣容相對過往更強勁,除米奇與朋友及舞蹈員外,仲有香港迪士尼樂園樂隊加入為大家送上奇妙旋律。


復活節將至,迪士尼兔仔及 Duffy 與好友由 3 月 15 日起在美國小鎮大街及幻想世界同賓客預祝節慶。分別有來自《愛麗絲夢遊仙境》(Alice in Wonderland) 白兔先生、《優獸大都會》(Zootopia) 朱迪以及 StellaLou 與 Gelatoni。

美國小鎮大街「小鎮影院『我與 DUFFY 遊歷之旅』」拍照空間外的玻璃已經粉飾成復活蛋主題,拎住小道具的 Duffy 與好友 (見上圖) 會係呢到同賓客自拍。

「動畫藝術教室」新課堂環節!動畫師會教大家繪畫復活節造型 Duffy 及 Stellalou,每當到相關課堂時段,教室外都吸引大批賓客排除等候上堂。

本週再次帶各位讀者俯瞰《魔雪奇緣》主題園區及「復仇者聯盟」主題遊樂設施的工程進度。《魔雪奇緣》主題園區大部份建築仍然處於混凝土結構狀態,山脈結構支架陸續安裝在遊樂設施大樓外,塑造山脈外觀的鋼架已經焊接在部分結構支架上。而「復仇者聯盟」主題遊樂設施仍然未有動靜,該地現存放《魔雪奇緣》主題園區的建築物料。

如欲了解詳細工程進度,歡迎點擊以下文章連結閱覽。

相關報導:
進行以上工程記錄同時亦以高處角度觀察灰熊山被竹棚覆蓋的情況。

本週六 (3月20日) 地畫係好可愛的小鹿斑比。

迪士尼探索家度假酒店「海底奇兵小天地」招牌正式登場!此前一直只安有一塊相同設計的卡板。

本年度「奇妙處處通」會員好友同行優惠於本週三 (3月19日) 起推出!會員可以港幣$200 折扣優惠為親朋好友購買一日標準門票,一齊歡慶「15週年奇妙慶典」,同時記得在全新故事演繹的「奇妙夢想城堡」前一齊打下,留下奇妙回憶。


香港迪士尼樂園度假區圖片

香港迪士尼樂園酒店推出香港居民專享「輕鬆工作學習」住宿優惠,除咗在 2 晚住宿期間盡享酒店優閒環境及豐富康樂活動外,酒店亦會在日間供應多一間客房畀你或者小朋友在寧靜環境中進行遙距工作或網上上課,房價平均每晚由港幣$1,778 起。

另香港居民「平日留港度假優惠」亦非常適合想平日入住香港迪士尼樂園酒店的家庭,2 晚住宿平均每晚由港幣$1,605 起。

以上兩個優惠都可獲港幣$1,000 酒店餐飲電子換領券,等你同家人在指定餐廳享用迪士尼特色滋味。

優惠詳情:在香港迪士尼樂園酒店寓工作於娛樂

香港迪士尼樂園度假區圖片

今次春日復活節活動度假區推出咗豐富又可愛的 Duffy 與好友主題美食,小報已為識飲識食的讀者提供相關餐飲資訊文章!希望內容唔會令大家睇到太亂啦!

詳盡資訊:Duffy 與好「萌」友共慶春天餐飲資訊

除咗幾間大餐廳外!本週未明日世界「彗星餐廳」終於重開。但要注意!只有惹味小炒廚房為賓提供三款飯食套餐。

幻想世界「笑匠歡宴坊」亦有上週提及的小食車美食套餐,每份港幣$108,包一支飲品。

15週年新款美食燒雞扒蛋沙律意大利包已於「大街市集」發售。

大鼻與鋼牙亦都以加入櫻花粉大戰,樂園商店引入有多款粉嫩商品等粉絲帶返屋企。

《大英雄聯盟》(Big Hero 6) 醫神頭飾已登陸度假區商店。

一度售罄的迪士尼公主足金精品金卡已經補貨!一共有六個款式以供選購,分別有《美女與野獸》(Beauty and the Beast) 貝兒、《阿拉丁》(Aladdin) 茉莉公主、《仙履奇緣》(Cinderella) 仙蒂/灰姑娘、《睡公主》(Sleeping Beauty) 薔薇玫瑰/奥羅拉、《小魚仙》(The Little Mermaid) 艾莉奥及《魔海奇緣》(Moana) 慕安娜。

設計正面以「奇妙夢想城堡」(Castle of Magical Dreams) 為背景及公主、女王剪影為主體,配上城堡塔尖及標誌元素設計,背面則蘊含唔同公主與女王標誌元素,極具收藏價值,有興趣可以到「城堡珠寶店 - 由周大福呈獻」(Enchanted Treasures) 選購。

香港迪士尼樂園發佈最新 Duffy 與好友故事短片。今次 Duffy 同埋幾位好朋友同大家分享佢哋的春日片段!一齊睇下今次佢哋又有咩趣事發生?

沒有留言:

發佈留言