2021-04-27

香港迪士尼推媽媽月「食買享」之旅,同時樂園美食禮品限時登陸銅鑼灣!

五月將至,又係大家更盡顯對母親愛意的月份!在呢個奇妙月份,香港迪士尼樂園度假區為作為子女的你準備了一系列「必食、必買、必享」推介!另外,「香港迪士尼樂園美食禮品廊」將會首次登陸銅鑼灣時代廣場。

必食之選
講到同媽媽慶祝節日,緊係離不開食!度假區精心炮製不同甜品美食讓你與媽媽隨時甜絲絲。在戶外小食亭會有以閃鑽手袋形做靈感的「杏仁香橙蛋糕​」,如果媽媽鐘意《反斗奇兵》(Toy Story),咁就一定要帶佢品嚐以薯蛋頭太太做設計的「紫薯椰香蛋糕​」。

度假區酒店設計咗一款全新鮮士多啤梨忌廉蛋糕,心形通花設計顯示相當優雅,肯定令媽媽甜入心。有興趣同媽媽切餅狂歡,記得至少兩日前向度假區酒店預訂。

香港迪士尼樂園酒店中菜食府「晶荷軒」亦將於5月8日及9日推出「母親節精選午餐」及「母親節精選晚餐」,凡於呢兩日享用母親節午餐、晚餐或其他美饌,餐廳都會為媽媽送上「桂圓杞子紅棗茶」一杯 ,等佢哋感受你暖暖的愛意。

在樂園幻想世界「皇室宴會廳」首次舉行的「皇室佳釀美食節」,小報非常推介大家帶媽媽去體驗呢場皇室之嚐‧樂旅,到時候可以品嚐到多款屢獲殊榮,但從未於樂園亮相過的迪士尼特色環球美食及驚喜十足的分子料理甜品等。


必買之選
幸福愛意除咗講說出口,亦可以着上身!度假區商店已為一家大細襯好一套套迪士尼親子服裝,等你同媽媽在樂園感覺好玩又夠 Sweet!注意,現購買任何三件指定服飾仲可以即減港幣$150,即買即穿,讓一家更親近!

仔女們可以考慮為媽媽挑選佢喜愛的迪士尼朋友 Tsum Tsum 公仔,然後製成花束,等佢成為最搶鏡的一位。要多謝盡心竭力的媽媽,不如再挑選返一款 Pandora 首飾,令媽媽成為眾人羨慕的焦點。

必享之選
平時媽媽都忙於為孩子拍攝最完美照片,今個母親節一於轉換角色,為媽媽送上「拍出奇妙」,樂園專業攝影師會隨行 30 分鐘,讓媽媽成為相中主角,無論是滿載幸福的全家福,抑或係媽媽獨照,都必能捕捉到佢笑逐顏開的每刻!更重要係,可以令一家時刻回憶呢個難忘時刻,更可向親朋好友分享。

與媽媽入住維多利亞式華麗宮殿的香港迪士尼樂園酒店,感受極具皇室氣派又夢幻的氣氛當中!此外,仲可以帶媽媽到華麗悅目的水晶吊燈下參與「米奇擴香石工作坊」,製作米奇標誌性造型擴香石,以香氣記錄奇妙回憶。

「米奇擴香石工作坊」由 2021 年 5 月 1 日起開始,收費港幣$250,有興趣可於入住時向前台預約參加。

香港迪士尼樂園美食禮品廊

樂園期間限定店將於 2021 年 5 月 7 日至 7 月 4 日期間返到銅鑼灣,並首次於時代廣場設置「香港迪士尼樂園美食禮品廊」,等你同媽媽在城中感受香港迪士尼準備的奇妙幸福。今次除咗有多款樂園商品發售外,仲帶嚟「限時精品美食店」,可以選購到度假區酒店中菜餐廳自家製醬料及「家倍滋味」真空美食包等,現場更有特選「皇室佳釀美食節」分子料理甜品,等媽媽們率先感受皇室般的滋味!

圖:香港迪士尼樂園度假區