「奇妙處處通」會員尊享香港迪士尼樂園20週年派對預覽活動禮品套裝

無論你是已成功登記「奇妙處處通」白金卡會員尊享 - 20 週年派對預覽分享會活動，抑或係 20 週年奇妙紅地毯派對特選會員，都會陸續收到呢盒活動禮品套裝。

解開絲帶，打開禮盒，就見到閃閃發亮嘅 20 週年派對標誌。而左邊放咗一張由米奇送上嘅邀請卡。

掃描上面嘅 QR code，仲可以睇到米奇為大家準備嘅派對邀請影片！

拎起邀請卡，卡下面仲藏住米奇準備嘅驚喜專屬 DIY 名牌。

仲有支筆畀你寫上自己嘅名字，戴住個名牌一齊投入預覽分享會派對！

「奇妙處處通」白金卡會員尊享 - 20 週年派對預覽分享會，正進入最後召集階段！樂園已經將活動報名截止日期延長至 2025 年 4 月 16 日 (三) 晚上 11 時 59 分。

主登記人仲可以購買最多 3 位「奇妙處處通」會員活動套票，一齊參與 20 週年慶典獨家預覽活動。喺延長報名期間成功登記並完成付款嘅白金卡會員，可於 2025 年 4 月 18 日至 25 日期間，親身去到美國小鎮大街嘅「奇妙處處通會員服務中心」，出示有效個人白金會員卡，換領呢份禮品套裝。