2017年9月14日

「神盾局」標誌現身明日世界 專訪超級 Fans 分享

「史達科技展」最新合作夥伴「神盾局」(S.H.I.E.L.D.) 已派員前來香港迪士尼樂園為全新設施進行部署,並將局徽率先展示於明日世界,2018 年將會啟動全新任務體驗,到時大家又可以一展身手擊退敵人。

「神盾局」(S.H.I.E.L.D.) 全名 Strategic Homeland Intervention Enforcement and Logistics Division,前身為戰略科學儲備部 (Strategic Scientific Reserve,簡稱 S.S.R.),沿自 Marvel 漫畫,亦在多部 Marvel 電影宇宙中出現,包括《美國隊長》、《鐵甲奇俠》、《雷神奇俠》、《復仇者聯盟》及《蟻俠》等,是為了應付神秘力量以及管理協調超級英雄而成立的機構,擁有強大高科技實力,2013 年起美國 ABC 推出電視劇《神盾局特工》(Agents of S.H.I.E.L.D.) 至今已播出到第四季,充分完整了「神盾局」架構,《神》劇情又會聯繫到各 Marvel 電影當中,有時部分在電影得不到答案又或者令人困惑的情節或者都會在電視劇中得到解釋。

*資料僅供參考

小編對呢個都唔係太多認識,不過就有幾位 S.H.I.E.L.D. 超級 Fans 分享點解咁迷 S.H.I.E.L.D.,究竟有什麼吸引到他們,不如看看各人分享。
  • 讀緊大學 Final Year 的 Steven (左2.) 由《復仇者聯盟》後知道《神》開始播出而追看,當然亦睇哂 4 個 SEASONS,佢話每集都有唔同故事及主題,而且較 Marvel 宇宙電影系列緊為貼地,如果跟得貼整個故事,就會發覺 S.H.I.E.L.D. 可以豐富哂整個 MARVEL 世界,變得更加精彩,劇集亦有多元化族裔角色出演,除劇中男主角 Agents Coulson 是白人外,當中亦有華人及拉丁美裔等,當中一位講普通話 (劇中) 的女角更是來自澳門。
  • Siam (左1.) 2014 年由友人介紹睇 Marvel 電影,《神》就最近開始追睇,點知一睇就停唔到,每日都要睇,如果唔睇會囉囉攣好似欠左啲野咁,就算放工太攰,都會睇一陣間,尤其鍾意劇中特工,因為佢地不似超級英雄一樣有非凡能力拯救世界,但都好犀利做緊保衛世界的工作。
  • 由《復仇者聯盟2》開始追睇的 MIYU (右1.),因為忙返工關係,唔係成日煲劇,但她好鍾意 MARVEL 多個故事、電影,後來知道 S.H.I.E.L.D. 與 MARVEL 其他電影宇宙有連繫,好奇下開始睇,一睇就開始迷上。
  • Fluid (右2.) 鍾意《神》原因之一是想知道更多不同角度的 MRAVEL 故事,喜歡單元劇的故事模式,覺得呢個世界除超級英雄外,都要有其他人去處理不同事件,因劇集會聯繫到電影的故事並埋下伏線,令劇情非常緊湊。
問:他們想在 S.H.I.E.L.D. 選一個崗位,他們會怎樣選?
  • Steven 會選擇 Agents Coulson 當初擔任的超級英雄中間聯絡人的崗位,主要原因可以見到不同超級英雄。
  • Siam 會選擇善後工作,清理及跟進行動後的相關工作。
  • MIYU 會選擇研究員,呢個工作會知道更多日常不會接觸到的事物。
  • Fluid 會選擇情報員,覺得這項工作非常有趣,例如前線點了解到 Hydra 入侵,第一個負責處理就是情報單位。
問:為何你們不會選擇擔當超級英雄呢?
  • 他們話超級英雄是一個很偉大的人,而且亦要犧牲很多野,例如美國隊長失去了 Agents Carter 亦犧牲了他的好友 Bucky,正所謂能了越大責任越大。
問:你們點睇香港迪士尼樂園今次選取「神盾局」(S.H.I.E.L.D.) 這個主題成為明日世界新的遊樂設施呢?
  • 這是個好機會等其他人了解到 MARVEL 除咗有一班超級英雄外,亦有一班特工全力支援佢地,非常期待這個遊樂設施。
 「神盾局」(S.H.I.E.L.D.) 主題遊樂設施建築概念圖 (圖:香港迪士尼樂園度假區)
 「神盾局」(S.H.I.E.L.D.) 主題遊樂設施一場景概念圖 (圖:香港迪士尼樂園度假區)
關於遊樂設施,如果有留意 2016 年 11 月發佈的首批擴建計劃概念圖,無論建築物外牆抑或是遊樂設施內的載人車,其實已經透露了這個遊樂設施是以「神盾局」(S.H.I.E.L.D.) 為故事主題,至今唯已發佈的只有這一張蟻俠場景概念圖,相信任務途中仲會遇上其他超級英雄,大家將聯手擊退由邪惡海徳勒派出的機械兵團,唔洗等好耐,全新任務將於 2018 年就會啟動。

沒有留言:

發佈留言