2021-02-19

大街週報:Issue 468 (2021.2.7-13)

 -樂園第三度暫停開放第 69 - 75 天-
小報恭祝各位讀者身體健康,百毒不侵。由於樂園目前仍暫停開放,今年樂園未有安排向賓客送上朱古力利是,之不過在香港迪士尼樂園酒店及迪士尼探索家度假酒店就預備了以全新「奇妙夢想城堡」圖案設計的大大塊朱古力金幣送畀賓客。

香港迪士尼樂園酒店及迪士尼探索家度假酒店大堂都放咗大大棵桃花,同配上其他年花襯托。桃花上面仲掛滿融入咗米奇元素的掛飾,而圓形底座兩間酒店都係唔同 15 週年主題設計圖案。農曆年期間到度假區酒店,記得唔好錯過呢個限時打卡位,順便行個圈拎返啲人緣運。

港府於本週三 (2月10日) 召開記者會,當中食衛局局長陳肇始表示,若疫情在農曆新年假期期間未有重大變化,將於年初七 (2月18日) 有條件放寬餐飲業務及表列場所限制,亦即係話樂園有望於年初七或之後重開。但讀者要有心理準備,政府要求進入食肆及場所顧客使用安心出行流動應用程式作行蹤記錄,或登記顧客個人資料,而員工亦要每十四日接受一次檢驗。


度假區酒店最近推出期間限定「迪士尼輕『營』遊」,一家大細可以在香港迪士尼樂園酒店西翼草坪或迪士尼探索家度假酒店「小海龜庭園」來個「輕旅行」,皆因酒店會為你預備好所需用品,包括野餐墊、帳篷、太陽椅及小食籃。小朋友更可以參與現場提供的免費手工藝及康樂活動,例如羽毛球、足球、滑板車及小童平衡車等。

香港迪士尼樂園酒店的餐前小聚已經移師到「翠樂庭餐廳」外的用餐區舉行,賓客可於一小時隨便享用紅白餐酒,啤酒和汽水,以及香脆小食拼盤。相對於之前在宴會廳的細小空間,仲要只係望住四道牆,呢個位置明顯休閒舒適得多。

香港迪士尼樂園酒店「華特餐廳」推出外賣咖啡。

迪士尼探索家度假酒店餅房展示兩款新登場蛋糕,分別係「迪士尼小熊 Duffy 與好友鮮忌廉雜果蛋糕」及「焦糖爆谷朱古力慕絲蛋糕」,1 磅裝售價港幣$450,有興趣記得要最少於 48 小時前預訂。

另外由 2021 年 2 月 15 日至 3 月 15 日期間,凡惠顧「焦糖爆谷朱古力慕絲蛋糕」可獲贈「夢想家小店」朱古力禮盒 (指定六款朱古力)。

繼樂園開幕及 10 週年後,嚟到「15 週年奇妙慶典」,樂園與長期合作夥伴可口可樂聯手推出等三款 "Let’s Celebrate" 紀念樽,由本週四 (2月11日) 起於香港迪士尼樂園酒店「皇庭禮品店」、迪士尼探索家度假酒店「叢林商店」、銅鑼灣希慎廣場「香港迪士尼樂園禮品坊」及香港士尼樂園度假區官方網站發售。

紀念樽分為標準版及特別版,每支都以燙金禮盒盛載,特別版更附有一枚限量版徽章及獨立編號證書,全球限量 3,000 發行盒!

紀念樽開賣首天,度假區酒店「皇庭禮品店」及希慎廣場「香港迪士尼樂園禮品坊」開店前已出人龍,首批特別版紀念樽更於當日全數售罄,而樂園官網亦在上午 11 時開始發售,兩個版本紀念樽旋即搶購一空,據悉之後會有補貨,未買到唔好氣餒,等多一陣。


開箱文:即將出版!

nuiMOs 櫻花裝已於度假區商店登場,一於幫你的 nuiMOs 小拍擋換返個櫻の造型。

15 週年奇妙慶典 Black and Gold 系列的背囊終於上架。

沒有留言:

發佈留言