與家人共事，視樂園為第二個家

香港迪士尼樂園度假區每個崗位都有著不同充滿奇妙的人與事，甚至有家人在樂園成為同事，每天為賓客的奇妙體驗而努力。就好似今日同讀者分享的第二個《香港迪士尼的15個夢想》入面 Sammy Sir 和女兒 Louise 的故事一樣。

現職度假區當值營運統籌，人稱 Sammy Sir 的符國安 (下稱：Sammy Sir)，自 2005 年樂園開幕就加入香港迪士尼。2016 年仲任緊職保安及安全事務部的他，獲選成為 2017 - 2018 年度樂園度假區親善大使。唔講大家可能唔知！Sammy Sir 是全球迪士尼度假區首位由保安晉身而成的親善大使。

Sammy Sir 表示：「每日返到到樂園唔似返緊工，似返到第二個屋企一樣開心，當女兒 Louise 同我講想加入樂園時，我相當有滿足感，原來自己在樂園獲得的歡樂都可以帶返屋企，感染女兒。」

Louise 表示：「爸爸參選大使的時候，我十分雀躍，宣佈結果當日，很開心見到爸爸相當受其他同事歡迎，有好多人支持，而得知爸爸當選大使的一刻，真的十分興奮，眼前就像有煙花在盛放一樣。」

Sammy Sir 的女兒 Louise 在加入前常見到爸爸收工返屋企時，總是一臉笑容，精力充沛，與一般人收工時的疲態完全不同，令佢感到樂園係一個理想的工作地方，漸漸產生加入香港迪士尼工作的念頭。2016 年 Louise 終有機會加入香港迪士尼，現於美國小鎮大街「市鎮會堂」負責賓客服務工作，與爸爸同屬樂園營運部。

Sammy Sir 在加入樂園前的工作，處事比較嚴厲和講求規矩，往往只會從單一角度去看事情。但自從佢加入樂園後，因工作上會接觸許多不同人和賓客，從而令佢學懂從別人角度去想，嘗試了解對方想法和感受，願意去聆聽和體諒別人。這個變化亦令佢慢慢給予女兒更多空間和選擇，亦令彼此的信任和關係更加牢固。Louise 亦講，一直成長以來，我哋一家人關係都很好，而在和爸爸一起於樂園工作後，大家關係變得更好。不單沒有因為更常見到而感到個人空間縮小，反而因為大家有著更多共同話題，分享更多。有時放工跟爸爸車走，一上車就已經開始同佢講當日工作的事情。

兩父女無論返工定返到屋企都見住，咁樣返而令佢哋彼此關係更加親密。Sammy Sir 就話，有時會諗，剛剛在屋企見完面，轉頭在公司又見到，感覺好似從來沒有分開一樣。有啲似將屋企帶到樂園，亦有啲似樂園變成了第二個屋企，因為我的家人就在這裏。成為親善大使後，亦令佢經歷了不少轉變，接觸層面闊了，亦令佢成長更多。佢已經不再視工作為工作，反而會不斷開發自己的體驗，更開心的是，可以和女兒在這裏一起經歷，見證著大家的成長。而 Louise 亦話，就好似爸爸所講，大家好像沒有分開過。當大家的生活圈子慢慢重疊，我哋亦好似開始由兩個獨立的 Bubble，逐漸融合成為一個 Bubble。

圖：香港迪士尼樂園度假區