星球大戰 5 公里賽 11 月登陸香港

香港星戰迷唔洗恨隔離，香港都即將舉辦首個「星球大戰5公里賽」(Star Wars Run HK 2017) 跑步活動，賽事更於星戰香港據點香港迪士尼樂園度假區舉行，同時賽事為「聯合國兒童基金會慈善跑」2017 項目之一，有得跑之餘更可為聯合國兒童基金香港委員會籌款，名額 2,000 個，將於 8 月 24 日中午 12 時開始接受報名，活動將於 11 月 26 日舉辦。

「星球大戰5公里賽」將由香港迪士尼樂園度假區私家車停車場出發，跑入幻想道、神奇道、榮欣路回到度假區私家車停車場作終點。

參加跑手，報名同須同時籌款最低港幣$800，而附可獲豐富「星球大戰5公里賽」主題跑手包，內有 adidas 別注版T恤、毛巾、索袋、Hot Toys BB-8 Cosbaby 迷你珍藏人偶及完成賽事後獲風暴兵造型獎牌。