自「皇室禮賓庭」開放以來，公主們都未有在戶外空間同賓客會面影相。不過樂園就係咁奇妙，本週三 (2月24日) 灰姑娘 (Cinderella) 就在城堡廣場小徑附近同賓客見面，仲以「奇妙夢想城堡」(Castle of Magical Dreams) 做背景同賓客自拍。
香港迪士尼樂園度假區圖片
樂園於社交網站預告！來自《美女與野獸》(Beauty and the Beast) 的貝兒 (Belle) 與野獸 (Beast) 將於白色情人節或之前隨時雙雙步入城堡「皇室禮賓庭」接見賓客。大家有機會同兩位嚟返張甜蜜自拍，一於約定另一半入園啦！
戶外工作的演藝人員在淡夏日子非常辛苦，近日在資訊亭及小賣亭附近位置增設咗固定風扇，讓演藝人員有一個較舒適通爽的工作環境。
灰熊山谷的爆谷車及其他設備都已經完成粉飾重置原位，更可以見到凍櫃及儲物櫃添加咗灰熊山谷的標誌圖案。
玩具兵團 Fort Emery 基地正進行定期檢查及保養工作，整個基地設施都已經圍封禁止進入。「玩具兵團跳降傘」訓練暫停至 4 月 17 日，翌日恢復。
本週地畫之一有大眼仔 (Mike)，大家又記唔記得大眼仔為咩事咁驚呢？
演藝人員除咗以掃把做畫筆在地上繪畫外，間唔中在園內不同位置賓客有機會遇上以不同材料製造的奇妙驚喜，最常見就有以跌落嚟的樹葉或花朵砌成的米奇圖案。各位讀者下次到樂園暢玩個陣，不妨留意一下身邊嘅事物，話唔定會發現到驚喜。
為歡迎賓客重投奇妙世界，香港迪士尼樂園已經準備好多款美食及商品畀大家盡情細嚐滋味及搜購各式紀念珍藏。當中包括全新登場的「魔海奇緣凱旋慶典燒烤」以及剛上市的「Spring into Dance」主題商品系列，另大受歡迎的特別版 15 週年「可口可樂」特別版紀念樽更將於 2 月 24 日 (三) 再度發售。
加利布尼市集「魔海奇緣凱旋慶典燒烤」逢星期五至日及公眾假期開檔！現場所見都吸引到一定賓客品嚐，我哋亦都買咗份試下。總括嚟講，串燒質素係唔錯，但調味偏淡，可以加返啲鹽吊味，另外醬汁可以均勻啲，兩件肉第二件足味，但第一件就冇嘜醬汁。
有興趣記得去探險世界「加利布尼市集」，食完大家可以掃瞄二維碼畀下意見！
Centennial Hall 設置來自《銀河守護隊2》(Guardians of the Galaxy Vol. 2) 的小樹人 (Groot) 主題貨架，並發售藍牙喇叭及互動小樹人產品。若果對藍牙喇叭有興趣可以留意！喇叭只可以入筆芯電並不設鋰電充電及 USB 插孔裝置。
產品亦同是於明日世界「史達科技旗艦店」及「科技館禮品店」發售。
商店推出四款布口罩套，款式分別有米奇、米妮、迪士尼公主及 Marvel 超級英雄標誌。
捉迷藏系列手機掛飾已經嚟到度假區商店，不過目前只有 Duffy 同 Gelatoni 款式，唔知各位 Duffy 與好友迷入手未呢？
鐘意飲茶的朋友，有冇興趣試下 Duffy 與好友茶包呢？有玫瑰花茶同茉莉花茶選擇！
樂園自疫症影響重開後，相關樂園資訊紙品都暫停供應。在本週新版「奇妙處處通」年票宣傳摺頁已供賓客索取。
沒有留言:
發佈留言
注意：只有此網誌的成員可以留言。